Sizning mehnatingiz- bolalar kelajagining kafolati.

14-yanvar — Vatan himoyachilari kuni munosabati bilan

barcha viloyat bolalar ftiziatriya sihatgohi jamoasining jasoratli, fidoyi va mas’uliyatli erkaklarini chin qalbimizdan samimiy muborakbod etamiz!

Sizlar o‘z kasbingizga sadoqat bilan yondashib, bolajonlar salomatligini asrash yo‘lida tunu kun fidokorona mehnat qilib kelayotgan, jamiyatimiz uchun nihoyatda muhim va sharafli vazifani bajarayotgan haqiqiy Vatan himoyachilarisiz. Sizlarning sabr-toqatingiz, bilim va tajribangiz, insonparvarlik fazilatlaringiz orqali ko‘plab bolalarning sog‘lom kelajagi, ota-onalarning esa qalbida umid va ishonch mustahkamlanmoqda.

Vatan himoyachisi bo‘lish — bu faqat qurol bilan emas, balki halol mehnat, yuksak mas’uliyat, qat’iyat va mehr bilan xizmat qilish demakdir. Sizlar ana shunday olijanob fazilatlar bilan bolalar salomatligi, jamiyat farovonligi va yurtimiz ravnaqi yo‘lida munosib hissa qo‘shib kelmoqdasiz.

Ushbu ulug‘ ayyom munosabati bilan barchangizga mustahkam sog‘lik, oilaviy tinchlik-xotirjamlik, uzoq umr, ish faoliyatingizda yangi yutuq va muvaffaqiyatlar tilaymiz. Xonadonlaringizga baraka, qalblaringizga quvonch va ishonch doimo hamroh bo‘lsin.

Bayramingiz muborak bo‘lsin, hurmatli va aziz Vatan himoyachilari!