"Gripp-bolalar salomatligi uchun xavf va uning oldini olish yoʻllari"

Viloyat bolalar ftiziatriya sihatgohida gripp-bollar salomatligi uchun xavf va uning oldini olish yoʻllari mavzusida hamshiralar konferensiyasi bo‘lib o‘tdi

Viloyat bolalar ftiziatriya sihatgohida grippning oldini olish, uning xavf omillari va davolash jarayonidagi zamonaviy yondashuvlar mavzusiga bag‘ishlangan hamshiralar konferensiyasi bo‘lib o‘tdi. Tadbirda muassasa hamshiralar jamoasi, pediatrlar hamda profilaktika bo‘yicha mutaxassislar ishtirok etdi.

Konferensiya davomida mavsumiy grippning bolalar salomatligiga ta’siri, kasallikning ilk belgilari, uni erta aniqlash va asoratlarni oldini olish bo‘yicha tavsiyalar muhokama qilindi. Shuningdek, hamshiralar o‘rtasida immunizatsiya jarayonlarini to‘g‘ri tashkil etish, epidemiologik ogohlantirish choralarini kuchaytirish bo‘yicha tajriba almashildi.

Mutaxassislar tomonidan o‘tkazilgan taqdimotlarda bolalarda grippning og‘ir kechishiga sabab bo‘ladigan omillar, profilaktik choralar va gigiyena qoidalariga rioya etishning ahamiyati yoritib berildi. Tadbir yakunida ishtirokchilarga metodik tavsiyalar hamda axborot materiallari tarqatildi.

Mazkur konferensiya hamshiralar malakasini oshirish, grippga qarshi kurashish bo‘yicha samarali ishlarni kuchaytirish va aholi sog‘lig‘ini asrashga xizmat qildi.