SIHATGOHDA BOLALAR SALOMATLIGINI TIKLASHGA QARATILGAN DAVOLASH MUOLAJALARI

 SIHATGOHDA BOLALAR SALOMATLIGINI TIKLASHGA QARATILGAN DAVOLASH MUOLAJALARI

 

Buxoro viloyat bolalar ftiziatriya sihatgohida davolanayotgan bolalarning sog‘lig‘ini mustahkamlash, organizmning himoya imkoniyatlarini oshirish, nafas olish faoliyatini yaxshilash hamda kasallikdan keyingi tiklanish jarayonini samarali tashkil etish maqsadida turli xil davolash va sog‘lomlashtirish muolajalari olib boriladi.

 

Bolalarning davolanish jarayoni ularning yoshi, umumiy sog‘lig‘i, tashxis holati va shifokor tavsiyalaridan kelib chiqqan holda individual tarzda tashkil etiladi.

 

    Ftiziatriyada qo‘llaniladigan asosiy muolajalar:

 

     Fizioterapevtik muolajalar — shifokor ko‘rsatmasiga ko‘ra organizmning tiklanish jarayonlarini qo‘llab-quvvatlash, ayrim funksional buzilishlarni kamaytirish va umumiy sog‘lomlashtirishga yordam beruvchi muolajalar.

      Nafas olish gimnastikasi — bolalarda to‘g‘ri nafas olish ko‘nikmalarini shakllantirish, nafas olish mushaklarini chiniqtirish va jismoniy faollikni yaxshilashga qaratilgan mashqlar.

      Davolovchi jismoniy tarbiya (DJT) — bolaning yoshiga va jismoniy imkoniyatlariga mos ravishda bajariladigan maxsus mashqlar majmuasi. Ushbu mashg‘ulotlar harakatchanlikni oshirish va organizmni bosqichma-bosqich chiniqtirishga xizmat qiladi.

 

      Ingalatsion muolajalar — ayrim bolalarda shifokor tavsiyasiga binoan nafas yo‘llari bilan bog‘liq holatlarda qo‘llanadigan muolajalar. Ingalatsiya turi va davomiyligi tibbiyot xodimlari tomonidan belgilanadi.

 

     Massaj muolajalari — shifokor ko‘rsatmasi asosida mushaklar faoliyatini yaxshilash, qon aylanishini rag‘batlantirish va umumiy sog‘lomlashtirish maqsadida qo‘llanilishi mumkin.

 

     Iqlim va ochiq havodan foydalanish — sihatgoh sharoitida bolalarning imkon qadar toza havoda sayr qilishi, faol dam olishi va kun tartibiga rioya qilishi sog‘lomlashtirish jarayonining muhim qismidir.

 

     Chiniqtirish tadbirlari — bolaning yoshi va sog‘lig‘i hisobga olingan holda, organizmning tashqi muhit ta’sirlariga moslashuvini yaxshilashga qaratilgan sog‘lomlashtirish tadbirlari.

 

     Dori vositalari bilan davolash — zarur hollarda ftiziatr shifokor tomonidan belgilangan davolash rejimi asosida amalga oshiriladi. Dori vositalarini qabul qilish bolaning individual holati va shifokor tavsiyasiga qat’iy rioya qilgan holda olib boriladi.

     Vitamin va ovqatlanish nazorati — bolalarning sog‘lom va muvozanatli ovqatlanishi, kun tartibiga amal qilishi hamda organizmning tiklanishi uchun zarur sharoitlarni yaratishga alohida e’tibor qaratiladi.

 

  Tibbiy nazorat — davolashning muhim qismi

 

Sihatgohda bolalarning davolanish jarayoni tibbiyot xodimlarining muntazam nazorati ostida olib boriladi. Shifokorlar bolalarning umumiy holatini kuzatib, zarur hollarda davolash va sog‘lomlashtirish tadbirlariga tegishli tavsiyalar beradi.

 

  Asosiy maqsad — bolaning sog‘lig‘ini tiklash, organizmini mustahkamlash va sog‘lom hayot tarziga qaytishiga ko‘maklashishdir.

 

Sihatgohda tibbiy muolajalar bilan bir qatorda bolalarning mazmunli dam olishi, to‘g‘ri ovqatlanishi, ta’lim olishi va ruhiy holatini qo‘llab-quvvatlashga ham alohida e’tibor qaratiladi.

 

Orqaga