Viloyat bolalar ftiziatriya sihatgohida “Kim epchil-u, kim chaqqon?” tadbiri bo‘lib o‘tdi

Viloyat bolalar ftiziatriya sihatgohida “Kim epchil-u, kim chaqqon?” tadbiri bo‘lib o‘tdi

Viloyat bolalar ftiziatriya sihatgohida yoshlar o‘rtasida sog‘lom turmush tarzini targ‘ib qilish, ularning jismoniy faolligini oshirish hamda jamoaviylik ruhini mustahkamlash maqsadida “Kim epchil-u, kim chaqqon?” nomli sport-sog‘lomlashtirish tadbiri tashkil etildi.

Mazkur tadbir qiziqarli va ko‘tarinki ruhda o‘tkazilib, unda sihatgoh tarbiyalanuvchilari faol ishtirok etdilar. Ishtirokchilar turli sport o‘yinlari, estafeta musobaqalari va chaqqonlikni sinovdan o‘tkazuvchi shartlarda o‘z mahoratlarini namoyon etdilar. Har bir bosqich o‘ziga xos qiziqarli topshiriqlarga boy bo‘lib, bolalarning jismoniy tayyorgarligi bilan bir qatorda tezkor fikrlashi, epchilligi va jamoa bilan ishlash ko‘nikmalarini ham rivojlantirishga xizmat qildi.

Tadbir davomida bolalar o‘zaro do‘stona bellashuvlar olib borib, bir-birlarini qo‘llab-quvvatladilar. Ayniqsa, estafeta bahslari ishtirokchilarda katta qiziqish uyg‘otdi va tomoshabinlarga ham yuqori kayfiyat bag‘ishladi. Tadbir yakunida faol qatnashgan va yuqori natijalarga erishgan bolalar rag‘batlantirildi.

Ushbu sport tadbiri tarbiyalanuvchilarning bo‘sh vaqtini mazmunli tashkil etish, ularning sog‘ligini mustahkamlash hamda ijobiy emotsional muhitni shakllantirishda muhim ahamiyat kasb etdi.

Tadbirni yuqori saviyada tashkil etishda sihatgoh tarbiyachilari — Saidov S., Tursunova D., Qodirova D. hamda Yo‘ldosheva M.ning hissasi katta bo‘ldi. Ularning tashabbusi va sa’y-harakatlari tufayli tadbir bolalar uchun unutilmas taassurotlarga boy tarzda o‘tdi.

Shuningdek, bunday tadbirlarni muntazam ravishda o‘tkazish bolalar o‘rtasida sog‘lom raqobat muhitini yaratadi, ularni faol va intiluvchan bo‘lishga undaydi.