Vatan iftixori — millat iftixori.

Yurtimizda milliy meros, tarix, madaniyat va qadriyatlarni asrab-avaylash, ularni yosh avlod ongiga singdirish borasida keng qamrovli ishlar amalga oshirilmoqda. Ayniqsa, ta'lim-tarbiya tizimida faoliyat yuritayotgan mutaxassislarning bu boradagi ishtiroki va hissasi alohida e'tirofga loyiq.
Viloyat bolalar ftiziatriya sihatgohi tarbiyachisi Saidov Sohib Sharifovich ushbu yo‘nalishda samarali mehnat qilib kelayotgan tarbiyachilardan biri sifatida tanilgan. U “Buyuk meros: tarix, madaniyat va milliy qadriyatlar” mavzusidagi xalqaro ilmiy-amaliy konferentsiya doirasida tashkil etilgan “Vatan iftixori” nomli xalqaro ko‘rik-tanlovda (Mustaqil Davlatlar Hamdo‘stligi miqyosida) faol ishtirok etdi.
Mazkur tanlovda Saidov Sohib Sharifovich milliy qadriyatlarni targ‘ib qilish, vatanparvarlik g‘oyalarini yosh avlod ongiga singdirish, tarbiya jarayonida innovatsion yondashuvlardan foydalanish hamda ma'naviy-ma'rifiy ishlar samaradorligini oshirish borasidagi tashabbus va amaliy natijalari bilan ishtirok etib, “Vatan iftixori” esdalik nishoni bilan taqdirlandi.
Ushbu yuksak e'tirof — nafaqat Saidov Sohib Sharifovichning shaxsiy yutug‘i, balki viloyat bolalar ftiziatriya sihatgohi jamoasi faoliyati samaradorligining yorqin ifodasidir.
Tarbiyachi faoliyatida milliy qadriyatlarga sodiqlik, bolalar ongida vatanparvarlik ruhini shakllantirish, ma'naviy barkamollikka intilish asosiy ustuvor yo‘nalishlardan biri hisoblanadi. Saidov Sohib Sharifovichning mehnat faoliyatida mazkur yo‘nalishlar ustuvor o‘rin tutadi.
Mukofot va e'tiroflar — faoliyatga berilayotgan baho bo‘lib, kelgusida yanada samarali mehnat qilishga rag‘bat bo‘ladi. Viloyat bolalar ftiziatriya sihatgohi jamoasi Saidov Sohib Sharifovichni ushbu muvaffaqiyati bilan chin qalbdan tabriklaydi va unga kelgusida ham yanada katta yutuqlar tilaydi.